主角：檸、Wing、Jessica、俊
劇情大綱：主角四人中學時曾合謀殺害 (誤殺) 師長，數年後主角們闊別多年後再度相遇，各自都因為殺人的經歷而有了不同的性格轉變，引起激烈的爭執。
第一幕
地點：Café
時間：現在
道具：耳機、海洋之心、咖啡杯
(檸帶著耳機坐在Café手裡把玩海洋之心) (Wing走進餐廳，四處張望，見看檸，猶豫不決應否打招呼) (檸抬頭，兩人對視，Wing上前) Wing：Hi 檸: Hello (收起海洋之心) (沉默半响) Wing: 好耐無見喇 檸: 係囉，咁啱嘅。啊，坐啊，我自己一個人咋嘛。 Wing: 嗯，好啊 檸: 係呢，你…最近點啊？ Wing: 無啊，(笑一笑) 無乜特別啊 檸: 係喎，你而家係咪教緊書？
Wing: 唔係喇，我而家係啲小型補習社度做，都係啲普通文員、打下字咁 檸: 點解嘅？我記得你以前同我一齊嘅時候，好有抱負，成日話好想做老師嫁？ Wing: 嗯，唔知呢，大個咗，發現自己好似唔係好適合咁，總係覺得自己無資格教人…係喎咁你呢？你而家做啲乜？仲有無玩音樂啊？ 檸: (冷笑)玩音樂呢就…
(文拎住咖啡出嚟)
文: 先生，你杯latte啊。
檸: (抬頭) 咦，喂，阿文你！
文: 啊，阿檸，阿wing(疑問)，乜你哋…仲一齊緊咩？
(檸和Wing相視)
檸: 哦，唔係啊，我哋…咁啱撞到咋嘛。咦阿文，你係呢度返工嘅？你唔係讀緊書嘅咩?
文: 哦，係啊，早幾年讀書麻麻地開心，quit咗u lu，之後返咗陣full time都唔太開心。而家抄下散、得閒接下唔同嘅job咁lo
(Jessica入嚟搵緊阿wing)
檸: 哦…
文: 啊，我唔阻你哋喇，我做嘢先啦
檸: 好啊 (Jessica急入)
Jessica: 啊！！！ (驚嚇)
文: jes…jessica？！
jessica: 唔好行埋嚟，唔關我事嫁！
文: 咩啊，我…我係阿文啊，你個ex喎...
Jessica: 我唔識你...我...我無殺人啊...唔係我做嫁
檸: (怒) 喂! (四周張望) 呢度好多人係度，唔好亂咁講嘢喇(輕聲)
Wing: 唔好咁惡啦 (禁住檸)，(行前拖住Jessica) Jessica你坐啊，我哋咁啱撞到咋 (帶jessica坐底)
Wing: (對住cafe其他人) 唔好意思，唔好意思。
文: Jessica，唔好再提個件事喇，要記得唔係我哋錯，我哋只係只係逼於無奈嫁咋…
Jessica: (眼神彷佛)
(鬼kelvin出現)
Jessica: 啊，我，我見到佢啊...
Wing: 喂，喂Jessica…咩事啊...喂！
(Jessica跑走，Wing尾隨)
文：Jessica佢而家做乜搞成咁嘅 (失望)
檸: 嗯，癲癲忽忽咁，不過唔係淨係佢嘅，自從經過咗嗰件事，大家都好似變咗好多咁...
(black out)
第二幕
地點：學校
時間：從前
道具：大垃圾袋、公事包/電腦袋、一堆文具、剪刀、兩把鐵剷 (light up) (Jessica抱坐在椅上抱頭哭泣)
(文走入嚟))
文: Jessica！(見狀激動上前慰問) 你做乜事喊啊？發生咩事啊？
Jessic：(繼續喊)
文：發生咩事呀，你講我聽啦
Jessica：琴日......陳sir佢...都係冇野喇...
文: (捉住jessica手) (激動) 做咩呀佢，佢對你做咗啲咩啊?!
Jessica：冇野喇...我唔知啊...我乜都唔知啊
文：發生咩事 (堅定)佢做咗啲咩，我係你男朋友，我一定會好好保護你
Jessica：琴日... 我留完堂之後去教員室搵陳sir，佢鎖埋道門之後... 佢... (崩潰喊)
(文慢慢放低手，慢慢放開Jessica，遲疑一陣，握緊拳頭衝出門口)
(black out)
(lights up)
(陳sir正在收拾東西準備回家，文衝入)
文：（衝前捉住陳sir）你對Jessica做過啲咩啊？下！你唔好以為你係呀sir就大晒，可以亂搞女學生！
陳：喂等陣先，我做過啲咩呀？
文：你個人渣搞我女朋友！我唔會放過你嫁！
陳：痴線！
(陳Sir推文，文倒地)
(陳Sir轉身離去，文爬起身，隨手拎起枱面嘅剪刀偷襲老師) (陳Sir應聲倒地不起，文清醒過嚟，望住自己手上嘅剪刀，驚嚇跌剪刀，不斷往後退)
(檸帶著耳機進入、手捧小說進入，進去後看到奄奄一息的陳Sir和驚嚇的文，沉默）
檸：阿文你...
文：阿檸，唔關我事嫁，我真係唔係有心嫁，係佢、係佢搞我女朋友在先，佢強姦Jessica，真係唔關我事嫁
檸：但係你...但係你殺咗人喎，佢、佢真係死咗…
文：阿檸，我唔可以有事嫁，我哋今年兄弟呢鋪你真係要幫我
(檸拎轉面、文拉住) 文：我求下你啊兄弟 (跪下(
檸：(甩掉文的手，到門外張望) 快啲收埋條屍，有人嚟緊 (文檸抬屍匿埋)
(Wing入場)
Wing：(敲門) 老師...老師你係唔係度啊...(入嚟，拎起老師掉下嘅手提包)
檸：(出嚟) 阿Wing
Wing：阿檸？你喺度做咩啊？(上前拖手)
檸：我有啲嘢想嚟幫手，你可唔可以幫我拎個大垃圾膠袋過嚟
Wing：咩...咩事啊...
(文拖屍體出嚟)
(Black out)
(Lights up) (文檸拖屍出野外) 文：而家點啊？
Wing：(拖住Jessica行過嚟) 學校啲血漬我攪掂曬啦
檸：嗯，好
Wing：檸，我覺得而家自首仲嚟得切
文：唔得，人係我殺嘅，坐監咪又係我，我唔可以出事，我老豆老母一定會打死我，我本身讀書咁叻一定會讀到大學搵到份好工。阿檸我哋咁多年兄弟，你一定要幫我啊
檸：嗯，唔好講咁多喇，快啲埋左佢喇！
(大家同時望住個死屍)
檸：阿文，郁手啦
文：啊我，我都係陪Jessica去休息下先啦 (驚)
檸：唉，阿Wing你過嚟幫我手
(文Jessica離開) (檸Wing郁手)
Wing：啊，頭先...條死屍...係咪郁咗一下呀
(Wing想伸手去確認，然後條屍又郁) Wing：啊 (後退)
(檸用手上鐵剷打死屍體，Wing害怕驚訝望住檸) (音樂入 Idioteque
https://www.youtube.com/watch?v=VD3gdgNq-G0 )
檸：（抬頭望Wing，站起來捉住Wing膊頭）唔好用任何人講 Wing：嗯…知道 檸：快啲埋咗佢喇！
(black out)
第三幕
地點：海邊
時間：從前
道具： (承接scene 1 wing追出去搵jessica)
Wing: Jessica，你冷靜d先啦，你頭先見到乜野啊？
Jessica: (驚恐)陳sir…係陳sir… (鬼Kelvin追住佢)
Wing：件事過左咁耐，無人會傷害你嫁啦
Jessica：(自言自語) 係..佢係衰人....佢係唔值得原諒嫁...唔係我害死佢嫁
Wing：今多年嚟，我一直都有去拜祭陳sir，就連佢屋企人都放低咗，你都好應該放低嫁喇
Jessica：(沒有在聽Wing說話，繼續自言自語) 係.....佢呃我......佢…佢唔要我
Wing: 你講乜啊…乜唔係陳sir強...姦你咩...
(文同檸趕到)
Jessica: 我真係好中意陳sir…….我乜都比晒佢........我都好唔想佢死......(堅定咁望住wing)但係，係佢呃我在先，係佢抵死！
Wing: jessica你嘅意思係......
(文衝入,緊張地捉住jessica)
文：jessica你講咩話？
Jessica：我咩都唔知嫁，咩都唔知嫁，佢對我好衰，唔關我事嫁 (混亂)
文：你講乜呀？
Jessica：我咩都唔知嫁，唔好問我！ 文：講啊！jessica你答我啦！ Jessica：我佢明明話淨係愛我一個，同我一生一世，點知佢背叛咗，話同我一齊只係玩下
文：乜你唔係比陳sir…強姦左咩...???
Jessica：我根本都冇講過啲咩，係你自己走去殺佢咋嘛!!!唔關我事嫁 (跑開)
(文行前觀眾)
文：哈，自從個日開始，我每晚都夢見自己浸係鮮血當中，聽見陳Sir嘅慘叫聲，手上拎住嗰把較剪，無一晚有覺好訓。每次我都會俾藉口自己，我係替天行道，我係英雄、我唔係殺人兇手，但係原來我一直畀人當係傻仔咁玩。我諗我要去自首，先可以訓返一晚好覺，先可以做返一個人。
(檸突然從後一手cu死文，文掙扎，但檸太大力，文訓低)
wing:（驚訝，衝前睇阿文）阿文!!!
檸：(對住已斷氣嘅文) 你錯喇，由我哋做呢件事嗰刻開始，已經無得返轉頭，就算你去自首，大家都唔會有覺好訓。 (望一望阿Wing) 更何況殺人兇手根本唔係你。
檸：(跑去扯住jessica的頭髮)死八婆!!一日最衰都係你!你唔出現我哋咪唔洗搞到咁囉!! 呢幾年我音樂上面有少少成就，辛辛苦苦捱到呢一步，如果畀你癲下癲下就搞到我無哂所有嘢，我仲得了嘅。
jessica:啊!!你想點呀?/我咩都唔知架我咩都唔知架係你地ja!!
(檸衝前lin死jessica）
(wing嚇到跌落到，想走，但又驚到反應唔切)
檸：(跪下) Sorry阿Wing，我唔想嫁，但你知我個人好認真好勤力，我唔想就咁咩都無哂
(檸想上前lin死埋wing，wing太驚，抱住咗阿檸)
第四幕
地點：天台
時間：從前(以前檸同wing拍拖片段)
道具：結他、海洋之心首飾 (Lights up)
(檸彈結他) Wing：(拿出海洋之心)登登！送比你嫁
檸：下，無啦啦送咩畀我啊？咩嚟嫁？
Wing：呢個係海洋之心，係我係墾丁買架
檸：咩海洋之心呀(笑)，個名咁鬼MK嘅
Wing：(搶回海洋之心)咩呀，呢個海洋之心好犀利嫁，可以保佑你啲事業運，咁你玩音樂咪可以好勁，好快人賞識你囉！ 檸：嗯…多謝你永遠喺我身邊支持我 (握手)
Wing：(靠肩) 你定時成功咗唔好唔要我啊！望住呢個海洋之心，你就要諗起有我
檸：嗯知道
Wing: 同埋啊，記得要keep住咁認真、咁中意幫人、咁嘟，因為咁樣我先會認得你係阿檸，係我男朋友 (檸笑)
(black out)
(劇終)
댓글